આ ગુજરાતી મહિલાએ ચાઇનીઝ વ્યક્તિ સાથે કર્યા લગ્ન- કોરોના વચ્ચે થઇ ગઈ છે આવી ખરાબ હાલત

Share post

મા હાઈકો ચાઈનાના સુચાન પ્રોવિન્સ શહેરમાં વસવાટ કરે છે. ચાઈનાના વુહાનમાં કોરોના વાયરસથી હાહાકાર મચી ગયો ત્યારે ચાઈનામાં ગભરાટનો માહોલ હતો. એ સમયે જાન્યુઆરી મહિનામાં કોરોના ફેલાતો જતો હતો. મા હાઈકો ચાઈનાથી ભારત આવ્યો ત્યારે એમની ગણતરી એવી હતી કે એમનાં પત્નીના કાયમી વિઝાનું કામ પણ થઈ જશે અને એ એમની પત્ની અને દીકરી આંચીને લઈ પોતાનાં માતાપિતા પાસે ફરી ચાઈના જશે. પણ એ પછી ચાઈનાની ફલાઇટ બંધ થઈ અને મા હાઈકો ભારતમાં જ ફસાઈ ગયા હતા.

ગુજરાતના અમદાવાદ શહેરમાં રહેતા મા હાઈકોને હવે એ વાતનો ડર છે કે ચાઇનીઝ વસ્તુઓનો બહિષ્કાર અને ભારત-ચીન વચ્ચેના તણાવને કારણે એ લાંબો સમય સુધી ભારતમાં રહી શકશે કે કેમ? શરૂઆતમાં એ ઘરની બહાર નીકળતા, પણ હવે એ ઘરની બહાર  નીકળતા નથી. હાઈકોને ચિંતા છે કે ચાઇનીઝ માલનો જે રીતે ઉગ્ર બહિષ્કાર થઈ રહ્યો છે એ પ્રમાણે એમની અને એમની દીકરી અને પત્ની સાથે કોઈ અઘટિત ઘટના ના બને. જોકે, એમનાં પત્ની પલ્લવી ગૌતમ બિલકુલ ગભરાતા નથી. એક ખાનગી ન્યુજ એજન્સી સાથેની વાતચીતમાં પલ્લવીએ જણાવતા કહ્યું કે, મા હાઈકોને માત્ર ચાઇનીઝ ભાષા જ આવડે છે.

એમને અંગ્રેજી કે બીજી કોઈ ભાષા આવડતી નથી. આમ છતાં એ ઘરનું શાકભાજી બજારમાંથી જાતે શાકભાજી લઈ આવતો. “અમારી સોસાયટીમાં કોઈને તકલીફ નથી, પણ હવે ભારત અને ચીનની સીમા પર તણાવ વધતા એ ઘરની બહાર જતા નથી. પણ મને એ વાતનો આનંદ છે કે અમે લગ્નનાં ચાર વર્ષ પછી લાંબો સમય એકબીજા સાથે કાઢી રહ્યા છીએ. અને હું મારા પતિ અને મારી દીકરી સાથે રહીએ છીએ.”

પલ્લવીએ મા હાઈકો સાથેના પ્રેમની વાત કરતા જણાવ્યું હતું કે “હું બૌદ્ધ ધર્મ પાળું છું. મને ચીન અને ચાઇનીઝ લોકો વિષે વાંચવું વધારે ગમે છે. મેં ચાઇનીઝ ભાષા શીખવાનું શરૂ કર્યું હતું અને હું બિહારમાં જઈને ચાઇનીઝ ભાષા પણ શીખી.” “આ અરસામાં ભારત અને ચાઈનાના વ્યાપારિક સંબંધો સારા થઈ ગયા હતા એટલે મને ચાઇનીઝ ઇન્ટરપ્રિટર તરીકેનું કામ મળવા લાગ્યું. દેશના અલગઅલગ ખૂણે ચાઇનીઝ વેપારીઓ આવે ત્યારે હું એમની ઇન્ટરપ્રિટર તરીકે કામ કરવા જતી હતી, કારણ કે ચાઇનીઝ લોકોને અંગ્રેજી કે હિન્દી ફાવે નહીં અને મને કામ મળવા લાગ્યું હતું.”

“આ અરસામાં આંધ્ર પ્રદેશમાં રાઇઝિંગ સ્ટાર નામની કંપનીમાં હું ઇન્ટરપ્રિટર તરીકે કામ કરતી હતી. અને મા હાઈકો ત્યાં ચાઈનાથી ક્વૉલિટી એન્જિનિયર તરીકે ભારત આવ્યા હતા. સામાન્ય રીતે ચાઇનીઝ બિઝનેસમૅન હોય તો ખપ પૂરતી વાત થતી હોય અને ઉંમરમા ફર્ક હોય એટલે ખાસ ઇન્ટરએક્શન થતું ના હોય, પણ મા હાઈકો નાની ઉંમરના હતા અને એમને ભારતમાં કોઈ મિત્રો ન હતા.”

પલ્લવી વધુમાં જણાવતા કહે છે, “બપોરના સમયે લંચ વખતે કૅન્ટીનમાં સાથે સમય કાઢતાં હતાં. મારા માટે પણ કોઈ કંપની નહોતી. અમે એકબીજાના શોખની વાત કરતા પસંદ-નાપસંદની વાત કરતાં હતાં. એક દિવસ મા હાઈકોએ મને પૂછ્યું કે મને કેવો છોકરો જોઈએ?” “મને પહેલા કંઈ સમજણ ન પડી. મેં કહ્યું કે મને સમજી શકે એવો હોવો જોઈએ. અને ચાઇનીઝ ક્લચરને જાણતો હોવો જોઈએ. મા હાઈકોએ કહ્યું કે મને પણ ભારતીય ક્લચર ગમે છે.

ભારતીય છોકરી હોય અને બૌદ્ધ ધર્મને જાણતી હોય એની સાથે લગ્ન કરવા છે.” પ્રેમ અંગે વાત કરતાં પલ્લવીએ જણાવ્યું કે “આ દરમિયાન એકબીજા સાથેના સંપર્કમાં અમે બંને ક્યારે પ્રેમમાં પડ્યાં એની અમને ખબર જ ના પડી, કારણ કે મા હાઈકોએ એના ફેમિલી ગ્રૂપમાં મને જોઇન કરી હતી. એનાં મમ્મી-પપ્પા સાથે સંબંધો વધતા હતા. મને ફેમિલી ગમવા લાગ્યું.” “મેં મારા પિતાને વાત કરી અને એમને લગ્ન સામે વાંધો નહોતો. શી જિંનપિંગ જ્યારે અમદાવાદ આવ્યા ત્યારે અમારી સગાઈ નક્કી થઈ અને એ વર્ષે અમે પરણી ગયાં.

મા હાઈકોએ વચ્ચેથી વાતમાં જોડાતા બીબીસીને કહ્યું કે “મારી પત્નીની ઇચ્છા ભારતીય પરંપરાથી લગ્ન કરવાની હતી એટલે અમે અમદાવાદમાં લગ્ન કર્યાં. ભારત અને ચીનમાં હનીમૂન કર્યું, ભગવાનની દયાથી અમારાં લગ્નના પહેલા વર્ષે અમારા ઘરે દીકરીનો જન્મ થયો. એનું નામ અમે ચાઇનીઝ રાખ્યું છે, આંછી એટલે કે શાંતિ.” “મારે પાછું ચાઈના જવું પડ્યું. નોકરી માટે અલગઅલગ દેશમાં જવું પડતું હતું એટલે પલ્લવી ભારતમાં રહી અને એ પ્રેગનન્ટ હતી અને એની ઇચ્છા ઇન્ડિયામાં બાળકને જન્મ આપવાની હતી એટલે આંછીનો જન્મ થયો ત્યાં સુધી એ ઇન્ડિયામાં રહી.” મા હાઈકો જણાવે છે કે, “ચીનના નવા વર્ષમાં એ અને એમનો પરિવાર ચીન આવ્યો હતો. તેઓએ ભારતમાં સારો સમય કાઢ્યો. પલ્લવીની ઇચ્છા અમારી દીકરીને નાનપણમાં ભારતીય સંસ્કાર મળે એવી હતી એટલે એ ભારતમાં રહી. હું ભારત’ આવતો અને પલ્લવી ચાઈના આવતી અને અમારું લગ્નજીવન પણ ખુબ સરસ ચાલતું.”

તેઓ જણાવતા કહે છે, “આ સમયમાં ચાઈનામાં કોરોના વાયરસ આવ્યો એના થોડા સમય પહેલાં પલ્લવી ચાઈનાથી ભારત આવી હતી. મારે વીડિયો કૉલિંગ ચાલુ હતું. પલ્લવીના ઘરના લોકો અમારી બહુ જ ચિંતા કરતા હતા. મને પણ ચીનમાં ઘણી ચિંતા હતી.” “કોરોનાને કારણે અહીં ડરનો માહોલ હતો. પલ્લવીના ઘરના લોકોને પૂછ્યું તો કહ્યું કે ભારતમાં કોરોના નથી. મારી પાસે ભારતનો વિઝા હતો એટલે જાન્યુઆરીના અંતમાં હું ભારત આવ્યો.” મા હાઈકો કહે છે, “મારાં માતાપિતાને ભારત લાવવાની કામગીરી કરતા હતા ત્યાં ભારતમાં કોરોનાને કારણે ચીનથી આવતી ફ્લાઇટ બંધ કરી દેવાઈ. ભારતમાં ચીનથી કોઈ આવતું નહોતું અને અહીંથી કોઈ ચીન જઈ શકતું નહોતું. હું અહીં ભારતમાં રોકાઈ ગયો અને પહેલી વાર મારી દીકરી સાથે આટલો લાંબો વખત રહી રહ્યો છું. પણ મને ચિંતા એ વાતની છે કે હું ચીન પાછો ક્યારે જઈ શકીશ.”

પલ્લવીએ ખાનગી ન્યુજ સાથેની વાતચીતમાં જણાવતા કહ્યું કે મારા ચાઈનાના વિઝાની કામગીરી ચાલતી હતી હવે એ અટકી પડી છે. ભારત-ચીનની સીમા પર શાંતિ થાય ત્યારે અમે ચીન જઈ શકીશું. તેઓ કહે છે, “હમણાં ભારત સરકારે ચીની ઍપ પર પ્રતિબંધ મૂક્યો છે એટલે મા હાઈકોનાં માતાપિતા સાથે પણ અમારો સંપર્ક તૂટી ગયો છે, નહીંતર દિવસમાં ચાર વાર અમે એકબીજા સાથે વાત કરતાં હતાં.” ભારતમાં કોરોનાને કારણે માંસ મળવામાં મુશ્કેલી છે અને મા હાઈકો નૉન-વેજિટેરિયન છે. બીબીસી સાથેની વાતચીતમાં તેમણે કહ્યું કે “હું અહીં રહીને લગભગ શાકાહારી થઈ જઈશ, કારણ કે નૉન-વેજ મળતું નથી. ઈંડાંથી ચલાવી લઉં છું. ગુજરાતી ફૂડની આદત નથી એટલે હું ખાવાનું જાતે જ બનાવું છું.” મા હાઈકોની ચાઇનીઝ વાતને ટ્રાન્સલેટ કરતાં પલ્લવીએ બીબીસીને હસતાં-હસતાં કહ્યું કે “આમેય ચાઇનીઝ છોકરા સાથે લગ્ન કરીને એક વાતની મને પહેલેથી શાંતિ હતી કે ચાઇનાના પુરુષો રસોઈ જાતે જ બનાવે છે.

મહિલાઓને ઓછી તકલીફ ઓછી આપે છે. આમેય મારા ભાગમાં કપડાં ધોવાં સિવાય કોઈ ખાસ કામ આવતું નથી.” “હાં, ચાઇનાના લોકોની ફૂડ હેબિટ તમને ખબર છે. હું નૉન-વેજ ખાઉં છું, પણ ચાઇનીઝ લોકો ખાય એવું નથી ખાઈ શકતી એટલે ચીનમાં હોઉં ત્યારે હું ભાટ ફ્રૂટ અને શાકભાજી પર વધારે ચલાવું છું.” પલ્લવી કહે છે, “હવે જરૂર પડે ત્યારે મારી પસંદનું નૉન-વેજ ખાઉં છું, કોરોનાથી બચવા અમે ભારત આવ્યાં અને ચીનમાં કોરોનાનો કહેર ઘટી ગયો અને ભારતમાં વધી ગયો છે. આથી અમે પતિ-પત્ની અને દીકરી ફસાઈ ગયાં છીએ. ઉપરથી ચાઇનીઝ વસ્તુઓના બહિષ્કારના આંદોલનથી અમે બહાર નીકળવાનું ટાળીએ છીએ.”

સ્ક્રીનને ડાબી તરફ સ્વાઇપ કરીને બીજા આર્ટિકલ્સ પણ વાંચો…. <—<—

જો આપની પાસે પણ કોઈ રસપ્રદ માહિતી હોય અને જો તમે તે અન્યો સુધી પંહોચાડવા માંગતા હોય તો, તે માહિતી અમને અમારા ફેસબુક પેજ પર મોકલાવો.

અમારુ આ આર્ટીકલ વાચવા માટે તમારો ખુબ ખુબ આભાર,અમે આશા રાખીએ છીએ કે તમને અમારુ આ આર્ટીકલ ગમ્યું હશે આ આર્ટીકલ તમારા મિત્રો સાથે શેર કરો.

અમારી એન્ડ્રોઇડ એપ્લિકેશન ફ્રીમાં નીચે ક્લિક કરીને ડાઉનલોડ કરો.

https://play.google.com/store/apps/details?id=com.khedut.khedut_club

જીવન જરૂરિયાત તેમજ અન્ય મહત્વની માહિતી મેળવવા માટે આપણું સૌનુ ફેવરીટ Jay Kisan જય કિસાન ફેસુબક પેજ લાઇક કરો. આભાર…


Share post