fbpx
Thu. Sep 19th, 2019

આવતી 12 તારીખે ખેડૂતો માટે આવે છે સૌથી મોટી યોજના, જાણો કઈ રીતે લઈ શકાશે લાભ ?

ગુરુવારે પ્રધાનમંત્રી નરેન્દ્ર મોદી કિસાન માનધન યોજના લોન્ચ કરવાના છે. ઝારખંડથી આ યોજનાની શરૂઆત કરવામાં આવશે. આ એક રીતે ખેડૂતો માટેની પેન્શન યોજના છે. જેના હેઠળ 60 વર્ષ પછી ખેડૂતોને 3000 રૂપિયા પેન્શન રૂપે આપવામાં આવશે. જેનું ફંડ LIC મેનેજ કરશે.

એનરોલમેન્ટ પ્રક્રિયા શરૂઃ

આ યોજનાના લોન્ચ પહેલા જ મોટી સંખ્યામાં ખેડૂતોને સામેલ કરવાનો ધ્યેય છે. ઝારખંડમાં તેના માટે લગભગ 10 હજાર કોમન સેન્ટર શરૂ કરવામાં આવ્યા છે. આ યોજનાને 5 કરોડ ખેડૂતો સુધી પહોંચાડવાનો લક્ષ્ય છે. ત્રણ વર્ષમાં 5 કરોડ લઘુ અને સીમાંત ખેડૂતોને જોડવામાં આવશે.

કોને લાભ મળશેઃ

આ યોજનાનો લાભ એવા ખેડૂતોને મળશે જેમની પાસે 2 હેક્ટર સુધીની ખેતીલાયક જમીન હોય. 18 થી 40 વર્ષની ઉમરવાળા ખેડૂતો તેની સાથે જોડાઈ શકે છે. આ યોજનાનો લાભ લેવા માટે 55 રૂપિયા દર મહિને જમા કરાવાના રહેશે. આ રકમ સીધે સીધી અકાઉન્ટમાં ટ્રાન્સફર થઈ જશે. આનાથી સરકારી ખજાના પર 10,774.5 કરોડ રૂપિયાનો વાર્ષિક બોજ વધશે.

સરકાર મદદ કરશેઃ

આ યોજના હેઠળ જે રકમ ખેડૂત જમા કરશે તેટલી જ રકમ સરકાર પણ જમા કરશે. જો કોઈની ઉમર 29 વર્ષની આસપાસ હોય તો તેને 100 રૂપિયા આપવાના રહેશે. તેનાથી ઓછી ઉમર વાળા લોકોને ઓછા રૂપિયા આપવાના રહેશે અને તેનાથી વધારે ઉમરના લોકોએ થોડા વધારે રૂપિયા આપવાના રહેશે. સરકારે આ યોજનાની મંજૂરી પહેલી કેબિનેટ બેઠકમાં આપી દીધી હતી.