લાખો ખેડૂતોના ભવિષ્ય માટે ગુજરાતના કેટલાય ગામોના ખેડૂતો સાંસદને મળવા પહોચ્યા- જાણો શું કરી માંગ

Share post

ગુજરાતના બનાસકાંઠા જીલ્લાના દરેક તાલુકાઓમાં સંબંધિત સુજલામ સુફલામ કેનાલમાં પાણી ચાલુ કરવા અંગે શુક્રવારના રોજ થરાદ માર્કેટયાર્ડમાં કાંકરેજ, ડીસા, દિયોદર, લાખણી અને થરાદ તાલુકાના ખેડૂતો સાંસદને મળવા માટે પહોચ્યા હતા. બધા ખેડૂતો સાંસદ પરબતભાઇ પટેલને રજૂઆત કરવા દોડી આવ્યા હતા. આ અંગે તેઓએ જણાવતા કહ્યું હતું કે, બનાસકાંઠાના દરેક તાલુકાઓમાં બધા ગામમાં જળ સંરક્ષણ માટે પસાર થતી સુજલામ સુફલામ કેનાલથી પાણીના તળ ઉંચા આવે અને વીજળીની પણ બચત થાય અને ખેતી લાયક જમીનમાં પૂરતું પાણી મળી રહે એ કારણોથી અગાઉની નરેન્દ્રભાઈ મોદી સરકાર દ્વારા આ કેનાલ બનાવી હતી.

મોદી સરકાર દ્વારા બનાવામાં આવેલી આ કેનાલમાં છેલ્લા ઘણા સમયથી પાણી ચાલુ બંધ કરવામાં આવી રહ્યું છે. જેથી કેનાલ બનાવવાનો ઉદેશ્ય સિધ્ધ થતો નથી તેમ જણાવી કેનાલમાં પાણી છોડાવવા તેઓ જરૂરી દરમિયાનગીરી કરી પાણી સતતને સતત ચાલુ રહે તે પ્રમાણે આયોજન કરવા મદદરૂપ બને તેવી વિનંતી કરી હતી. સાંસદને મળવા આવેલા ખેડુતોએ વધુમાં કહેતા જણાવ્યું હતું કે, કેનાલમાં રિપેરીંગ કરવાના નામે બે વર્ષ પાણી આવ્યું ન હતું. જેના કારણે સંબંધિત તાલુકાઓમાં અંદાજે 5 થી 10 હજાર નવા 1000 ફુટના બોર (ટયુબવેલ) બનાવવા પડ્યા હતા.

જે લોકોને બોર દીઠ 5 થી 6 લાખ ખર્ચ આવ્યો છે. સાથે-સાથે બીજા 5000 બોર નવા બનવા જઇ રહ્યા છે. જેના કારણે ખેતી ખર્ચ વધે છે અને ખેડુતોના દેવામાં વધારો થઇ રહ્યો છે. આ કારણે જો કેનાલ સતત ચાલુ રહે તો નવા બોર બનાવવાની જરૂર જ ના પડે અને ખેડુતોનો ખર્ચ બચી જશે. જેના કારણે કેટલાય ખેડૂતોને રાહત મળે અને ભવિષ્યમાં દેવાથી પણ બચી શકે. જો કેનાલ સતત ચાલુ રહે તો પાણીના તળ ઉંચા આવશે અને પ્રધાનમંત્રી નરેન્દ્ર મોદીના ખેડુતોની આવક ડબલ કરવાના પ્રયાશો સફળ થશે જે દેશમાં સારા ઉદાહરણરૂપ બનશે. તેમજ સરકારને પણ ફાયદો થઇ શકે છે. જેમ કે સરકારની સબસીડી અને વીજળીની પણ બચત થશે. ચાર તાલુકાની અંદાજિત 8 લાખ હેક્ટર જમીનમાં પિયત જળવાઈ રહેશે.

અહિયાં બતાવેલા તાલુકાઓમાં આખા ગુજરાતમાં પ્રથમ સ્થાન ધરાવતા અનેક વિવિધ પાકોનું વાવેતર કરવામાં આવી રહ્યું છે. જેવા કે ઉનાળુ બાજરી, દિવેલા, બટાટા, મગફળી, દાડમ, રાયડું, જીરૂ અને ઇસબગુલના પાકો અને તેને આધારિત એગ્રોઇન્ડસ્ટ્રીઝ ટકી રહેશે. નહીતર આ બધું ખોવાનો પણ વારો આવી શકે છે. અંદાજે બે થી ત્રણ લાખ લોકો બેરોજગાર પણ થશે. પરબતભાઇ પટેલે અગાઉ પણ આ અંગે સરકારમાં પણ રજુઆત કરી હતી. અને ભવિષ્યમાં પણ કરશે તેવી હૈયાધારણ પણ આપી હતી.

સ્ક્રીનને ડાબી તરફ સ્વાઇપ કરીને બીજા આર્ટિકલ્સ પણ વાંચો…. <—<—

જો આપની પાસે પણ કોઈ રસપ્રદ માહિતી હોય અને જો તમે તે અન્યો સુધી પંહોચાડવા માંગતા હોય તો, તે માહિતી અમને અમારા ફેસબુક પેજ પર મોકલાવો.

અમારુ આ આર્ટીકલ વાચવા માટે તમારો ખુબ ખુબ આભાર,અમે આશા રાખીએ છીએ કે તમને અમારુ આ આર્ટીકલ ગમ્યું હશે આ આર્ટીકલ તમારા મિત્રો સાથે શેર કરો.

અમારી એન્ડ્રોઇડ એપ્લિકેશન ફ્રીમાં નીચે ક્લિક કરીને ડાઉનલોડ કરો.

https://play.google.com/store/apps/details?id=com.khedut.khedut_club

જીવન જરૂરિયાત તેમજ અન્ય મહત્વની માહિતી મેળવવા માટે આપણું સૌનુ ફેવરીટ Jay Kisan જય કિસાન ફેસુબક પેજ લાઇક કરો. આભાર…


Share post

આ વાંચવાનું ભૂલતા નહીં…