fbpx
Tue. Oct 15th, 2019

આ સ્થળે ફાટ્યું આભ: મેઘરાજાએ 102 વર્ષનો તોડ્યો રેકોર્ડ, અત્યાર સુધી 29ના મોત

બિહાર રાજ્યમાં મેઘરાજાએ 102 વર્ષનો રેકોર્ડ તોડતાં રીતસર આફત વરસાવી હતી. ભારેથી ભારે વરસાદ અને  પૂરના કારણે અત્યાર સુધીમાં 29 વ્યક્તિનાં કરુણ મોત નીપજ્યાં હતાં. સડકો સરોવરો જેવી બની હતી. આ ભારેથી અતિભારે વરસાદે આખા રાજ્યમાં હાહાકાર મચાવી દીધો હતો.

ચાલુ વર્ષના સપ્ટેંબર મહિનામાં ભારે વરસાદની બાબતમાં નવો રેકોર્ડ સ્થાપિત કરી ગયો તો. છેલ્લાં 102 વર્ષમાં સપ્ટેબરમાં આટલો વરસાદ કદી પડ્યો નહોતો. બિહારના ઓછામાં ઓછા 14 જિલ્લામાં હજુ ભારે વરસાદની આગાહી છે.

અત્યારે આમ પણ જનજીવન ઠપ થઇ ગયું છે. ત્યાં હવામાન ખાતાએ વધુ વરસાદની આગાહી કરીને આમ આદમીને ડરાવો દીધો હતો. સ્થાનિક વહીવટી તંત્રે સ્કૂલ-કૉલેજો બંધ રાખવાનો આદેશ બહાર પાડ્યો હતો.

કેટલાક વિસ્તારોમાં તો દરેક મકાનોનાં પહેલા માળ સુધીના પાણી ભરાઈ ગયા છે. જ્યાં શક્ય હતું ત્યાં લોકો ધાબા પર ચડી ગયા છે. ચારેબાજુ પાણી હોવાથી ખાવાપીવાનાં તેમજ ચા-કૉફી માટે દૂધનાં વલખાં મારી રહ્યા છે. કુદરતની આફત સામે કાળા માથાનો માનવી ખરા અર્થમા લાચાર બની ગયો હતો.

સામાન્ય માણસ તો ઠીક, પણ કદમ કૂવા વિસ્તારમાં રહેતા હાઇકોર્ટના જજ સાહેબના પરિવારને સહીસલામત અન્યત્ર ખસેડવા પડ્યા હતા. પોશ એરિયામાં આવી સ્થિતિ હોય તો નીચાણવાલા વિસ્તારોમાં કેવું હોય એની માત્ર કલ્પના કરવાની રહે છે.

કેન્દ્રીય પ્રધાન રામ વિલાસ પાસવાનના બંગલા પાસે એક નાનકડો સમુદ્ર સર્જાઇ ગયો હતો તો ભાજપના સાંસદ રાજીવ પ્રતાપ શુક્લાના ઘરના પ્રાંગણમાં ત્રણ ફૂટ જેટલાં પાણી ભરાયાં હતાં. આવા સંજોગોમાં આમ આદમીની પરિસ્થિતિ કેવી થઇ હશે એ સમજી શકાય છે.

મુઝફ્ફરપુર-સીતામઢી રેલવે લાઇન પર પાણી ભરાતાં કેટલીક ટ્રેનો રદ કરવાની ફરજ પડી હતી તો કેટલીક ટ્રેનોને ડાઇવર્ટ કરવી પડી હતી. બિહારમાં એક પણ સડક કે વિસ્તાર એવા નથી જ્યાં ગોઠણ સમાણાં પાણી ન હોય.

સ્ક્રીનને ડાબી તરફ સ્વાઇપ કરીને બીજા આર્ટિકલ્સ પણ વાંચો…. <—<—

જો આપની પાસે પણ કોઈ રસપ્રદ માહિતી હોય અને જો તમે તે અન્યો સુધી પંહોચાડવા માંગતા હોય તો, તે માહિતી અમને અમારા ફેસબુક પેજ પર મોકલાવો.

અમારુ આ આર્ટીકલ વાચવા માટે તમારો ખુબ ખુબ આભાર,અમે આશા રાખીએ છીએ કે તમને અમારુ આ આર્ટીકલ ગમ્યું હશે આ આર્ટીકલ તમારા મિત્રો સાથે શેર કરો.

અમારી એન્ડ્રોઇડ એપ્લિકેશન ફ્રીમાં નીચે ક્લિક કરીને ડાઉનલોડ કરો.

https://play.google.com/store/apps/details?id=com.khedut.khedut_club

જીવન જરૂરિયાત તેમજ અન્ય મહત્વની માહિતી મેળવવા માટે આપણું સૌનુ ફેવરીટ Jay Kisan જય કિસાન ફેસુબક પેજ લાઇક કરો. આભાર…