fbpx
Tue. Oct 15th, 2019

ગુજરાતના 7 લાખ ખેડૂતોને અમુલ કરાવશે ફાયદો, દૂધની ખરીદ કિંમત માં કરશે વધારો

દેશની સૌથી મોટી અને સૌથી જૂની દૂધનું ઉત્પાદન કરતી કંપની અમુલ ગુજરાતના ખેડૂતો માટે ખુશીના સમાચાર લઇને આવી છે. રિપોર્ટનું માન્યો હતો અમૂલ દૂધની ખરીદ કિંમત વધારી રહ્યું છે. આ નિર્ણય પ્રમાણે હવે એક કિલો ફેટ યુક્ત ભેંસના દૂધ ની કિંમત માં 10 રૂપિયાનો વધારો કરવામાં આવ્યો છે. જ્યારે ગાયના દૂધમાં પ્રતિ કિલો 4.5 રૂપિયાનો વધારો કરવામાં આવ્યો છે. આ નિર્ણયને કારણે અમુલ ડેરી સાથે જોડાયેલા 1200 દૂધ એસોસિએશનના 7 લાખ પશુપાલકોને ફાયદો થશે. વધેલી કિંમતો ખેડૂતોને 11 મેથી મળવાની શરૂ થઈ ગઈ છે.

ડેરી ઉત્પાદનોનું માર્કેટિંગ કરતી સંસ્થા ગુજરાત કો-ઓપરેટિવ મિલ્ક માર્કેટિંગ ફેડરેશન નું ચાલુ વર્ષનું ટન ઓવર 40 હજાર કરોડ રૂપિયા થઇ જશે તેવું માનવામાં આવે છે.

ગુજરાત કો-ઓપરેટિવ મિલ્ક માર્કેટિંગ ફેડરેશન ના નાણાકીય વર્ષ 2018 19 દરમિયાન વેપારમાં ૧૩ ટકાનો વધારો જોવા મળ્યો હતો. જે બાદ કંપનીનો કુલ વેપાર 33,150 કરોડ રૂપિયા થઈ ગયો હતો. જેના આગલા વર્ષે કંપનીનો વેપાર 29,225 કરોડ રૂપિયા હતો.

પાછળના વર્ષે વધુ પ્રમાણમાં વેચાણ થયું હોવાને કારણે વેપારમાં પણ વધારો થયો છે. આ જ કારણ છે કે કંપનીએ દૂધની ખરીદી કિંમતમાં પણ વધારો કર્યો છે અને ખેડૂતોને લાભ પહોંચાડ્યો છે.

2019-20 માં કંપનીનો વેપાર 20 ટકા વધશે તેવી આશાઓ બાંધવામાં આવી રહી છે. કંપનીએ કહ્યું છે કે મહારાષ્ટ્ર જેવા અમુક રાજ્યોમાં દૂધની ખરીદ કિંમત પાછલા વર્ષે વધી છે.

અમૂલના સદસ્ય યુનિયનો એ અાવતાં બે વર્ષમાં એક દિવસ માં વપરાતા દૂધની ક્ષમતા 350 લાખ લીટરથી વધારીને 380 અથવા 400 લાખ લીટર સુધી કરવા માટે યોજના બનાવી છે.