પૃથ્વીને નર્ક બનાવી રહ્યા છે એ.સી., આટલુ વાંચીને તમે AC ને વાપરતા પહેલા વિચારશો

Share post

ક્રિસ બ્રાયન્ટ, બ્લૂમબર્ગઃ અમેરિકામાં મોટા ભાગના લોકો એસી વાપરે છે પરંતુ જર્મની એવો દેશ છે જ્યાં હજુ સુધી કોઈ એસી નથી વાપરતું. આથી આ અઠવાડિયે જ્યારે બર્લિનનું તાપમાન વધીને 37 ડીગ્રી થઈ ગયું ત્યારે કૃત્રિમ રીતે ઠંડક કરતા એ.સી વાળી ઑફિસમાં જઈને જર્મન લોકો આહલાદકતા અનુભવતા હતા.

છેલ્લા કેટલાંય દાયકાથી ગરમ આબોહવામાં લોકો એ.સીમાં બેસે છે, ફોકસથી કામ કરી શકે છે, રાત્રે નિરાંતે ઊંઘી શકે છે. આમ જોવા જાવ તો એ.સી આખી દુનિયામાં ખુશી ફેલાવી રહ્યા છે. તમને જાણીને નવાઈ લાગશે કે ચીનમાં અડધોઅડધ ઘરમાં એ.સી છે. ભારતમાં અને ઈન્ડોનેશિયામાં રહેતા 160 કરોડ લોકોમાંથી માત્ર 8.8 કરોડ લોકો પાસે જ એસીની સુવિધા છે.

ઘણા લોકો માટે એ.સી આરામદાયક છે. પરંતુ આવક વધતા, વસ્તી વધતા, શહેરીકરણની અસરના કારણે એસીની કિંમત ઘટી રહી છે અને એ.સીની સંખ્યા આખી દુનિયામાં વધી રહી છે. ઈન્ટરનેશનલ એનર્જી એજન્સીના અહેવાલ મુજબ આજે 160 કરોડ લોકો એ.સી વાપરે છે, 2050 આવતા સુધીમાં લગભગ 560 કરોડ લોકો એસી વાપરતા થઈ જશે.

કાર્બન ડાયોક્સાઈડ એમિશન 2018માં 2 ટકા વધ્યું હતું. છેલ્લા સાત વર્ષમાં આ સૌથી ઝડપી વધારો છે. હવે આ ચિંતાજનક હદે વધી રહ્યું છે. ચિંતાની વાત એ પણ છે કે આ કારણે તાપમાન વધી રહ્યું છે અને તાપમાન વધતા એસીની ડિમાન્ડ પણ વધી જ રહી છે. હવે તમે વિચારો કે આ કેવું વિષચક્ર શરૂ થઈ ગયું? આ કારણે વીજળીની જરૂરિયાત પણ પહેલા કરતા વધવાની છે, તેના કારણે ગરમીમાં હજુ પણ વધઆરો થશે. એ.સી ગરમ હવા બહાર ફેંકે છે. તેને વૈજ્ઞાનિક ભાષામાં અર્બન હીટ આઈલેન્ડ પણ કહી શકાય. તેના કારણે શહેરનું તાપમાન ગામડા કરતા વધારે હોય છે.

BNEFની અપેક્ષા મુજબ 2050 સુધીમાં એસીની ડિમાન્ડમાં 140 ટકાનો વધારો થશે. મતલબ એ સમયે અત્યારે આખા યુરોપમાં વપરાય છે તેટલી વધુ વીજળીની જરૂર પડશે. અત્યારે વીજ ઉત્પાદનના 9 ટકા એસી પાછળ વપરાય છે જે 2050 સુધીમાં 12.7 ટકા જેટલા થઈ જશે. સારી વાત એ છે કે સોલર પાવરને કારણે વધુ વીજળીની જરૂરિયાત સંતોષી શકાશે. પરંતુ સૂર્યાસ્ત પછી પણ હવે તો તાપમાન નથી ઘટતુ, એટલે આપણને રાત્રે પણ એ.સીની જરૂર પડે છે. એ માટે એક્સ્ટ્રા વીજળી ક્યાંથી લાવવી તે પ્રશ્ન છે.

નવાઈની વાત એ છે કે ક્લાઈમેટ ચેન્જની વાત થાય ત્યારે બિલ્ડિંગ્સ પર તો કોઈ ધ્યાન જ નથી આપતું. આખી દુનિયામાં 20 ટકા એનર્જી તો ફક્ત બિલ્ડિંગ્સ જ વાપરી નાંખે છે. ખરાબ રીતે ડિઝાઈન કરેલા ઘર કે અક્ષમ એ.સી પણ ક્લાઈમેટ ચેન્જની ચર્ચામાં વિમાન કે ઈલેક્ટ્રિક કાર જેટલા જ અગત્યના છે. જર્મનીમાં એવા ઘર બની રહ્યા છે જેમાં હીટીંગ કે કૂલિંગની ખાસ જરૂર ન પડે.

આપણે લાઈટિંગમાંથી પણ શીખી શકીએ. LEDને કારણે વીજળીના કન્ઝમ્પશનમાં ઘણો ઘટાડો થયો છે. આ રીતે આપણે એ.સીમાં પણ જૂની ટેક્નોલોજીને બદલવાની તાતી જરૂર છે. જાન્યુઆરીમાં કિગાલી એમેન્ડમેન્ટ અમલમાં આવ્યો જેની દુનિયાએ નોંધ નથી લીધી પણ તે મહત્વનો છે. તેનો આશય હાઈડ્રોફ્લુરોકાર્બન્સ નામના ગેસને માર્કેટમાંથી આઉટ કરવાનો છે. આ ગેસ જ એસીમાં વપરાય છે. આ ગેસ આખી દુનિયામાં તાપમાન 0.4 ડીગ્રી જેટલું વધારી શકે છે. ડોનાલ્ડ ટ્રમ્પે હજુ કિગાલી એમેન્ડમેન્ટને આગળ નથી વધાર્યો. અમેરિકાના ઉત્પાદકો જો સમયસર નવી ટેક્નોલોજી શોધી શક્યા તો તે ફાયદામાં રહેશે.

ટ્રમ્પને સારા એસીની કદર છે. તે પોતે ઘણો સમય પામ બીચ કંટ્રી ક્લબમાં વીતાવે છે જેને એ.સી વિના કલ્પી પણ ન શકાય. આથી તેમણે આ યાદ રાખવું પડશે કે તમે આખા ગોલ્ફ કોર્સમાં એસી ન કરી શકો. તાપમાન જે રીતે વધી રહ્યું છે, તે જોતા હવે સમય આવી ગયો છે કે આપણે એસી ચાલુ કરતા પહેલા તેની અસર વિષે વિચાર કરીએ.

સ્ક્રીનને ડાબી તરફ સ્વાઇપ કરીને બીજા આર્ટિકલ્સ પણ વાંચો…. <—<—

જો આપની પાસે પણ કોઈ રસપ્રદ માહિતી હોય અને જો તમે તે અન્યો સુધી પંહોચાડવા માંગતા હોય તો, તે માહિતી અમને અમારા ફેસબુક પેજ પર મોકલાવો.

અમારુ આ આર્ટીકલ વાચવા માટે તમારો ખુબ ખુબ આભાર,અમે આશા રાખીએ છીએ કે તમને અમારુ આ આર્ટીકલ ગમ્યું હશે આ આર્ટીકલ તમારા મિત્રો સાથે શેર કરો.

અમારી એન્ડ્રોઇડ એપ્લિકેશન ફ્રીમાં નીચે ક્લિક કરીને ડાઉનલોડ કરો.

https://play.google.com/store/apps/details?id=com.khedut.khedut_club

જીવન જરૂરિયાત તેમજ અન્ય મહત્વની માહિતી મેળવવા માટે આપણું સૌનુ ફેવરીટ Jay Kisan જય કિસાન ફેસુબક પેજ લાઇક કરો. આભાર…


Share post

આ વાંચવાનું ભૂલતા નહીં…